CHAGEE 霸王茶姬 (K11購物藝術館)

自從霸王茶姬開到嚟香港之後，就成日聽同事講霸王茶姬有幾好飲，不過一路都未有機會試。早排行K11終於都順路可以去茶姬買返杯嘢飲～當時去都係夜晚，人流都幾多，不過見好多人都係用app落單，所以起碼落單唔使等太耐。我落咗單大概15分鐘之後就有得攞嘢飲啦，等待時間以咁多人黎講都可以接受。我叫左杯凍嘅花田烏龍茶（少甜），一飲落去覺得幾清新，有淡淡花香，而且烏龍茶幾濃郁，又唔會太澀，而家呢個天氣飲真係幾爽又解渴。杯野飲仲寫左幾多熱量、咖啡因、蛋白質同鈉，都幾貼心～