ChorLand Cookfood Stall (Ma Tau Wai Road) (Moved)

中午電話訂咗位，分兩輪時段，我哋揀左5:30分入座，佢哋仲send左D菜單比我哋過目㨂左先，好好服務👍⋯⋯7:30要交枱，有兩小時進食絕對足夠時間。
5:40入座，未滿，仲見有D識途老馬walk in,
小店菜式選擇真的好多，疫情前食過一次，今次再食，揀左唔同菜式：

燕麥金沙蝦球

見燕麥金沙蝦球多人讚，梗係要試吓，上枱仲好熱，蝦彈牙，味香，唔可以話唔好食，但係我覺得個汁太亁、味道甜左少少，都係豉油皇或蒜蓉做法會惹味D。

炸鯪魚球

炸鯪魚球，熱辣辣，魚肉加入左香濃陳皮，調味出色，有一小碟蜆芥伴吃，幾掂⋯⋯食得過(另外一讚的是D炸物一D都冇油溢味👍）

魚雲煲

這個漁雲煲是意料之外咁好食，有苦瓜片，蒜粒，粗切蔥件及薑片，魚頭魚雲上完粉炸後再炆，魚頭雲基本上冇乜肉，但佢又炸得唔乾，調味洽當足以將漁的魚腥味完全覆蓋，上枱時香噴噴，熱到吱吱聲，好食嘅。
😋😋😋😋😋😋😋😋😋😋🤨🤨😋
埋單前仲送甜品，有熱及凍揀，我哋揀了番薯糖水，薑味濃，雖然只係簡簡單單嘅一餐但係食得好滿足。