洋一居食屋 (Closed)

果日同老公買左飛睇九點八果場達文西密碼，因為一早睇到呢間食評唔錯所以入來試，上次去左對上一條街一品香食野點知難食到…所以都係抱住試既心態老公叫左個『站著吃拉麵』要中辣，但都幾辣…同埋同味千果d差不多料，都係粟米蟹柳鳴明卷咁…我叫咖哩豬扒飯，呢個推介一試，d豬扒夠鬆化，同埋外皮炸粉唔厚，凍左都仲脆，薯仔又夠粉，同埋汁唔係一味死辣，仲有紅蘿蔔同蘑姑係入面!叫左薄牛肉日本燒餅，牛肉夠嫩，木魚絲同蔥又夠多同惹味，餅底唔係十分油同『漏』，果然同街邊果d一味餅厚沙律醬多唔同飲品就唔好講喇…全部都係罐裝冇咩特別芝士燒年糕，開頭食落怪怪地，得兩舊(價錢似乎有d貴)，望落似雪糕燸米糍，咬落煙韌，哎到中間開始有芝士流出，一啖咬晒仲好暖有種芝士既咸香食左奶茶布甸，但對我來講比較苦…芝麻同綠茶雪糕幾夠味，仲咬到有d芝麻粒環境一般，台與台之間都幾迫，唔好妄想唔洗搭台…果日好彩早d到，否則就比d家庭霸晒冇位坐，樓面清台夠快，但廚房唔知係咪人手少定真係手腳慢，坐左成四個字先有野食，罐裝野飲都要隔7-8分鐘先有，最奇怪係拉麵反而唔係最快，都要等五個字先出，果日都要手快快先食晒野趕巴士出旺角先得，原本仲預兩個鍾咩都食得