越北牛肉粉專門店 (Closed)

今日係新都城搵下午茶食 去到一期見到呢間越南粉面 又有下午茶餐 咁就入去試下🤗我同朋友一人叫左一個set 再加兩個小食share🤗我叫左生牛肉湯河 見佢呢個係招牌菜 下午茶黎講 佢嘅份量都ok嘅 應該比正常份量小dd 牛肉方面 都算唔錯 唔鞋嘅 正常嘅生牛肉 冇特別驚喜 我朋友就叫左個豬排河粉 試左佢一件豬排 香茅都幾重 肉質有咬口 唔錯👍🏻小食我地叫左春卷同泰式鳳爪 我覺得小食嘅質素都好好 春卷皮脆 餡料好多汁好味 鳳爪份量好多好抵食 👍🏻👍🏻另外跟餐仲有2杯野飲 推介椰汁綠豆冰👍🏻👍🏻 啲椰汁打比係沙冰咁 正