早安越南 (Closed)

今日放工約左朋友係天后食飯，見到這間越南餐廳唔算好貴，於是就試一試。我地兩個人叫左豬頸肉凍檬、蒜蓉牛油雞翼、青咖喱伴軟殼蟹同蒜蓉包。基本上除左軟殼蟹的份量較少外，其他食物的份量都偏大，所以食完好飽。我個人認為個蒜蓉牛油雞翼最出色，雖然落左好多粉，但的而且確係炸得好香，餐廳亦放左大量蒜蓉，如果鐘意蒜蓉香的話會好鐘意。個軟殼蟹相對比較油，但都炸得鬆軟，配合青咖喱偏甜的口感，可謂相得益彰。不過大家最好一上就食，因為凍左之後會冇咁脆。PS：店員態度好好，可能係因為平時做開街坊生意。