文記車仔麵 (福榮街)

Open Now

Now Closed

深水埗呢間車仔麵長期門口都有好多人排隊，不過好彩係d人食車仔麵好快，所以其實唔使等太耐，等咗大概十五分鐘就入得。叫左3送車仔麵，其中兩款揀咗餐牌上十大必食推介既瑞士雞翼，自製韮菜餃，同叫咗通菜。湯底就揀咗腩汁配米線。我覺得呢間車仔麵既送都幾多款，而且每一款既味道都好食。咁車仔麵係自己搭配唔同送，所以d送揀得好食，成碗麵都會覺得好食。瑞士雞翼好入味，同埋已經炆到好林，自製韮菜餃都飽滿好食，通菜就正常。總括而言，我覺得呢碗車仔麵絕對係好食既車仔麵，下次我會試下其他送。