Victoria Restaurant

黎到太子呢邊都有好多餐廳可以選擇，行下見到呢間西餐廳有位唔駛等就入去試下，睇完個lunch menu最後揀左煙三文魚蟹籽天使麵，有蒜蓉包同忌廉湯。

忌廉湯味道唔錯，唔係出面普遍茶記既忌廉湯，飲落既味道比較濃同有口感。

煙三文魚蟹籽天使麵，整體算唔錯，忌廉汁唔會太稀，煙三文魚味道正常，蟹籽都有唔少份量，整體食落係ok,天使麵唔會太林配搭忌廉汁算唔錯。

凍檸檬茶味道就正常，普遍街外茶底既味道。

。。。總結。。。
質素唔錯既西餐，價錢都算係比較抵既西餐lunch set,68蚊，凍飲加3蚊。