Running 燒 (Closed)

今次係我哋第二次嚟到running燒，上次嚟已經隔咗差唔多一年，以韓式燒肉嚟講真係幾抵食的，人頭費只係200鬆仲有海鮮，真係好滿足。飲品都有唔少出面少見嘅款式，無酒精飲品係自取的，價錢包係放題入面了。想飲酒都唔貴，平均都係50蚊左右一樽，朋友一齊share都唔會心痛。醬料都係出面自取，慳咗自己枱面嘅位置哈哈。我諗大家都會試過去放題放到一枱餸，慳咗啲位又放多啲嘢食。韓國菜當然要有前菜。舊蘿蔔唔係食的，店員都有細心提醒。一嚟就點咗生蠔、帶子、扇貝等等。寫幾多出幾多份，冇走數。海鮮睇落都乾淨新鮮，燒完出嚟都鮮甜。除咗燒肉之外仲有啲熟食，炒年糕等等，其中最推薦就係水冷麵，我哋encore咗好幾次。