MOS Burger (Closed)

呢一日行完沙田，點都要食野既。就行去新城市三期既food court，我都係想食mos burger多。連我都唔知點解。pizza熱狗呢個係新出既，不過等左好耐。可能係烘包烘得耐得滯啦。但味道都唔錯，熱狗包好脆口，條腸又幾好食。芝士又多，真係好正呀！佢地仲話加辣椒仔會好好食，又唔錯既。整體上個包都幾好食，唔錯。粗切薯條好重薯味呀，又脆口。呢先係薯條呀！抹茶鮮奶呢個好耐無飲過啦，綠茶味好重，而且都有奶味，唔錯架。實有下次既，價錢又唔算太貴。野食又唔錯。