瑞士㗎啡室 (Closed)

無係荔枝角返工都有一段時間，今日剛好要黎呢到買少少野，順便黎食個late lunch，諗返起之前係呢頭返工最愛既餐廳，就打算返黎試下啦。瑞士雞脾加金磚: 之前叫開既都係瑞士雞翼，仲要配意粉之類，好飽，唔鍾意食正餐既我今次叫左瑞士雞脾加金磚，配一杯熱奶茶。雞脾醃得好入味，煮得剛剛好，唔會太淋，瑞士汁既濃度適中。西多士夠厚，唔太大舊。熱奶茶方面好香濃，亦都好滑，好有中式特色。環境方面，雖然門口睇落一D都唔吸引，但係入到去真係好有香港舊式茶餐廳既特色，以懷舊冰室作主題，裝潢亦都好刻意去營造昔日茶餐廳的氛圍，綠色小階磚地板，白色卡位同店內既掛畫都睇得出餐廳係花過心思去設計。