Chilli Lime (MONTEREY Place)

Open Now

Now Closed

喺附近做完嘢差唔多2:00 ，一家大細黎搵食。呢個area放假原來多人到癲，成兩點 ，周圍都冇位。見呢度有位，唔理佢食乜，就衝入嚟坐低先。原來呢度係食東南亞菜，泰菜，越菜，新加坡菜，印度菜，馬來西亞菜乜都有啲。我哋叫咗粟米魷魚沙律，諗住俾小朋友食，點知原來係辣嘅，味道只是一般。串燒我哋叫咗雞同牛，雞全好好味，小朋友食晒三條，至於牛肉就比較遜色，燒得太熟，所以好有咬口。另外叫咗青咖喱雞，味道好好，唔係太辣，啱晒我呢啲唔係食得好辣嘅人。至於越南炸春卷，佢入邊用蟹肉，都幾特別，包住生菜食好好味。餐廳食物味道冇乜問題，但係上菜次序就有問題。最快上菜嘅係串燒同埋青咖喱，跟住係炸春卷，最尾上嘅係沙律🤦🏻‍♂️我哋今次冇食甜品，如果叫埋甜品唔知會唔會係甜品上先