Mee...lemongrass (ac四期) (Closed)

今日同男朋友黎到香港仔呢頭，是旦揀左間餐廳黎食。我估應該係新開，見好多人都拎住coupon黎食，但我地走個陣先見到樓下有人派😂。呢間餐廳睇落係食泰國野，但最特別既係佢啲野飲唔係普通泰國餐廳既特飲，而係台式飲品😨。研究完一輪先發現野飲個part係分左比另一間舖負責，佢地應該係合作既形式？都幾特別。✨鮮果茉莉茶｜鮮果東方美人茶佢地既水果茶係用新鮮水果沖既，唔知有無另外加糖，整體偏甜左少少但幾fresh。入面有蘋果、橙、士多啤梨、西柚同百香果。重點：新開張買一送一，30幾蚊飲兩杯好抵！😆✨印尼炒飯第一次食印尼炒飯，原來有蝦片、煎蛋同串燒，都幾豐富，份量好足！✨大蝦炒金邊粉我好順手咁撈曬啲辣椒碎入去，搞到太辣，男朋友食唔到🤣。呢間餐廳既粉麵飯份量都係好足，炒得好食！✨馬拉盞炒通菜每次去泰國餐廳必嗌！炒得好香🤩！✨串燒佢地擺盤有用心😂，仲有面包塊同菠蘿伴碟。串燒都好香，如果沙嗲醬有埋花生粒仲正😍。最後埋單$300都唔洗，食到捧住個肚走。如果一個人平時黎食午餐晚餐都算抵食。