旺角冰室 (Closed)

同朋友行金魚街，由旺角街頭行到太子街尾，行到肚餓剛好遇到有間叫旺角冰室，見價錢唔係好貴就入去食啦。旺角好多食市都要等位，呢間就唔洗，行到脚仔軟，當然要食返餐飽啦，兩個人點了一個司華力腸自然豬排鐵板餐，一個白汁雞皇意大利粉，一碟炸雞中翼，和凍奶茶凍咖啡，味道方面，司華力腸夠大條抵食，豬排煎得好香，肉汁剛鎖住在裡面，雞皇意粉雞肉大大舊肉很新鮮，意粉煙韌又彈牙和白汁撈埋超好食，炸雞中翼炸得皮脆而裡面剛好熟的，新鮮雞肉味，凍飲加三蚊，食飽繼續行街。