Fun Fun 串串鍋 (Closed)

平時都鍾意打邊爐㗎啦今次食返個唔係廣東邊爐既邊爐，今次食咗一間四川重慶食嘅打邊爐佢係一串串咁樣串起啲食物，有趣新奇得來黎又唔會造成浪費，都真係幾好㗎！餐廳除咗一串串嘅嘢食之外，仲有啲需要額外加錢嘅嘢食係一張紙仔度，例如魚皮桶蠔等等就要額外再加錢啦😆今次帶咗個花膠蟲草花雞湯，以為得花膠三兩隻，點知都起碼有成10幾廿隻，個湯底仲越食越膠添🤤而呢度都有平時屋企唔會整既脆鯇片，忍唔住都食多咗幾碟！而最令我驚喜嘅就係呢度嘅汽水全部都係玻璃支裝嗰款，相比起出邊全部都係一罐罐咁樣俾你，呢度一支支嘅汽水特別有童年回憶同特別有氣添💕同埋呢度有圍裙供應就算着白色衫都唔驚食污糟啦🤫