大家樂 (Closed)

見到電視廣告好吸引，咁岩屋企無煮飯就黎大家樂試下個流心玉子石鍋燒。7點半黎到，只有2款供應: 芝士黑椒牛肉石鍋燒飯同埋炭燒豬扒石鍋燒飯。芝士黑椒牛肉即刻令我諗起Pepper Lunch，粒粒芝士遇熱融化，令黑椒牛肉飯多左一份咸香，諗起都留口水，所以Order左芝士黑椒牛肉石鍋燒飯 +流心玉子湯鍋(泡菜湯)‧漬物($44)2個鍋都有個蓋，可以保持熱辣辣~一打開蓋，原來芝士已經融晒，一PAT咁係牛肉上面，無想像中咁吸引。汁係另上既，似燒汁，香濃甜美，入面有少量黑椒。牛肉不算肥，味道尚可。不過，黑椒太少，完全食唔出有黑椒味。湯鍋入面有大量蔬菜，底有粗身粉絲，雖然係泡菜湯鍋，但泡菜量少，湯味道淡。但係飲左幾啖湯之後發現重點既流心玉子唔見左，詢問店員後，原來係比漏左。店員加返隻玉子係碗湯入面，但一食玉子係留心，不過係凍既，即係係預先整定晒流心玉子再放入湯中。