Fairwood (Yuen Long Commercial Centre)

每當提到大家樂，不得不提就係另外一間大型連鎖嘅食店--大快活。 基本上兩間十分相似，但我個人就覺得大快活比大家樂好少少。 首先我鍾意食咕嚕肉，因為佢酸酸甜甜咁樣好開胃，食過兩間嘅咕嚕肉，覺得大快活嘅咕嚕肉食得去更加有口感，唔似係食緊粉咁。 味道方面，咕嚕肉基本上間間嘅都差唔多，所以冇話邊間特別好食，但44蚊作為中午飯價錢亦都算合理， 所以有時都會嚟食。

另外值得一讚既係佢啲冰水係會用碎冰，而唔係一大嚿冰， 呢個亦係其他餐廳入面比較少見嘅細節位。