Video
Read full review
2010-03-15
23 views
家姐話有日行過三陂坊，見到成條街都好旺，等我都去見識下先~真係成條街放滿枱啵…都唔知去邊間好，我選擇大牌排啲唯一方法…就係去有啤酒妹果間~(呢個方法係唔work架各位，哈哈~)點鬼知佢間間都放幾個啤酒妹響到，咁就是但啦~室內冇哂枱，淨番一張近廚房啲…照坐! 因為出面好多人食煙，返而近廚房好些少；坐落就先至上網search下有咩好野食，點知結果係…黑店!嚇得我呀，心唸…明碼實價，唔怕你，照坐!去大牌檔食飯就喻左佢地D環境嘛嘛架啦!室內坐底既食客大多數都響到食煙，更離譜既係連D伙計都明正言順邊做邊食!唉…咁就唔係咁好啦~因為坐近個open kitchen啲打冷檔附近，見到個廚都…煙絲成吋長…我地牛咁眼吸住我地果2碟打冷野，好彩冇事~講番D餸菜，都係叫D小炒野，因為比”黑店”呢2個字嚇一嚇，海鮮就唔叫啦~九菜豬紅情意結，每次打冷都必叫啲菜式，好難煮到難食；係驚D豬紅一夾就散啫，佢啲質感OK啵；味道方面，辣辣地咁啱啱好，不過就好似油左少少。紅腸墨魚一上枱，只覺碟頭細，D紅腸啲樣子又嘛嘛地，可能比D滷水汁影響左佢啲外觀啦…顏色似乎深左少少，切到又”薄切切”；份量小，味道一般。潮式蠔餅佢個名叫潮式
室內冇哂枱，淨番一張近廚房啲…照坐! 因為出面好多人食煙，返而近廚房好些少；坐落就先至上網search下有咩好野食，點知結果係…黑店!嚇得我呀，心唸…明碼實價，唔怕你，照坐!
去大牌檔食飯就喻左佢地D環境嘛嘛架啦!室內坐底既食客大多數都響到食煙，更離譜既係連D伙計都明正言順邊做邊食!唉…咁就唔係咁好啦~因為坐近個open kitchen啲打冷檔附近，見到個廚都…煙絲成吋長…我地牛咁眼吸住我地果2碟打冷野，好彩冇事~
講番D餸菜，都係叫D小炒野，因為比”黑店”呢2個字嚇一嚇，海鮮就唔叫啦~
九菜豬紅情意結，每次打冷都必叫啲菜式，好難煮到難食；係驚D豬紅一夾就散啫，佢啲質感OK啵；味道方面，辣辣地咁啱啱好，不過就好似油左少少。
紅腸墨魚一上枱，只覺碟頭細，D紅腸啲樣子又嘛嘛地，可能比D滷水汁影響左佢啲外觀啦…顏色似乎深左少少，切到又”薄切切”；份量小，味道一般。
潮式蠔餅佢個名叫潮式，但我覺得一D都唔潮；剩係睇個樣就知佢唔正中啦~一D薯粉啲質感都見唔到…食落口一D都唔香，剩係得D炸野味，人地用鴨蛋佢用雞蛋…冇他啲，鴨蛋貴咁多~ 唔點魚露就一D味都冇…打咩(日文)!
紫羅牛肉我從來都唔期望響D平價錢啲地方食到好食啲牛肉，因為平，所以一定唔會比D好野你食，咁唯有用梳打”那”到佢淋啦~一”那”就…D牛味冇哂囉；但係我亞姐太想食牛啦，咁唯有滿足佢啲願望啦~但係呢個餸我又想讚下佢啲炒工啵~個汁啲味道剛剛好，酸辣鹹啲味道適中，個汁可以扣住響D材料上面，呢個廚師要一讚!
西檸雞個汁啲酸甜味啲分配剛剛好，酸酸甜甜咁好好味~而且個脆漿又溝到剛剛好，又脆又薄(最憎食落去一口粉果D)；不但第一口食落香脆，仲要食到最後一塊都未變淋…正~
薑汁芥蘭芥蘭夠嫩口，又夠薑汁，大牌檔又夠哂鑊氣，係D油多左少少啫~
侍應啲服務就一般啦，永冇叫第一次就應你囉…(唔好同我講話忙吖嘛~呢D係借口，又唔見澳洲牛奶公司係咁…你地忙得過佢?)；衛生情況就嘛嘛地，傳菜D亞叔，廚房D大佬，個個都吸實口煙做野啲…E~
總括黎講，又唔算稱得上叫黑店，若然係唔介意d衛生，佢D質素係可以試下幫襯啲~
Post
