La Postre (厚福街) (Closed)

係厚福街既呢班西班牙餐廳確實係好吸睛，想試好耐啦，望住個menu好多野都好想試呀，但我地兩個女仔又唔敢叫太多，最後都忍痛挑選左呢幾樣：前菜即叫即整好新鮮，熱辣辣咁食最正，好足料，啖啖蟹肉呀，好滿足。主菜火鍋] 激讚！真係無見過用啤酒打邊爐，聞落好濃郁既酒香味，食落就好鮮甜，海鮮鮮甜加上清新既蕃茄味，由鼻子吃到去吞尖，每件海鮮食落都好多層次感，仲有一個好特別既醬料：蒜+沙律醬+橄欖油（好似係），點埋佢真係激讚！同埋佢有趣在用茶壺來做火鍋煲，仲遞上兩個小杯子，俾我地最後飲埋個湯底架，我忍唔住飲左好多杯呀。飲品雖然寫係mojito，但佢係一杯無酒精飲品黎，唔好誤會，清清的，仲有大大粒荔枝可吃。甜品無花果味道很有特色呀，薄薄的脆批加上面舖滿的無花果，上面仲有個雲呢拿雪糕球，整體來說不太過甜，清清的，很完滿。