Video
Read full review
2017-11-18
4539 views
正宗粥底火鍋，你又試過未先！如果想中午又粥，但又唔想禁清淡，呢度絕對岩你！粥底，有！靚配料，有！正價錢，有！環境服務，都有！真係要試啦禁就位於荃灣大河道呢條主要幹道既佢，地理位置都算方便，且位地鋪，相當已搵小編今日就係朝住呢個目標而黎既！一坐底同店員講話食佢地既午市打邊爐，佢地就會好快禁為你準備一切，當然有唔少得既order紙啦！嗱，真係寫到明午市仼食放題粥底火鍋，都係每位$98，真係實收你$98，免茶介免加一喎不過要先留意既係，食呢個午市放題一定要兩位起架！所有既配料一共有52款！除左有普通既丸呀，肉呀，菜呀果d之外，重有d特別既配料架！例如 : 大良炸鮮奶，順徳春花卷等等落完order之後，大家就可以先準備一下調味料，由於係粥底火鍋既關係，調味既配料當然亦有所不同，就算只係得3種選擇，其實都係正常當左包括左邊既蔥粒，中間既菜脯粒，同埋右邊既芫茜粒最重要既粥底到了雪白色既有米粥鍋，入面加入左南瓜粒及芋頭粒，所以一陣就會煲到佢地軟林林，又夠香，又好食不過小編都真係第一次用粥底黎去打邊爐，感覺其實好新奇配料都到啦嘩，感覺好靚好高質呀d配料，望落亦都好新鮮先講左上既即炸魚皮，每舊都大大舊，
粥底，有！靚配料，有！正價錢，有！環境服務，都有！真係要試啦禁就
位於荃灣大河道呢條主要幹道既佢，地理位置都算方便，且位地鋪，相當已搵
小編今日就係朝住呢個目標而黎既！一坐底同店員講話食佢地既午市打邊爐，佢地就會好快禁為你準備一切，當然有唔少得既order紙啦！
嗱，真係寫到明午市仼食放題粥底火鍋，都係每位$98，真係實收你$98，免茶介免加一喎
不過要先留意既係，食呢個午市放題一定要兩位起架！
所有既配料一共有52款！除左有普通既丸呀，肉呀，菜呀果d之外，重有d特別既配料架！例如 : 大良炸鮮奶，順徳春花卷等等
落完order之後，大家就可以先準備一下調味料，由於係粥底火鍋既關係，調味既配料當然亦有所不同，就算只係得3種選擇，其實都係正常當左包括左邊既蔥粒，中間既菜脯粒，同埋右邊既芫茜粒
最重要既粥底到了雪白色既有米粥鍋，入面加入左南瓜粒及芋頭粒，所以一陣就會煲到佢地軟林林，又夠香，又好食
不過小編都真係第一次用粥底黎去打邊爐，感覺其實好新奇
51 views
0 likes
0 comments
配料都到啦嘩，感覺好靚好高質呀d配料，望落亦都好新鮮先講左上既即炸魚皮，每舊都大大舊，好新鮮無油抑味，非常脆口，重有少少即炸完既熱添右上既即炸響鈴都係一樣，超長超大舊，同樣係感覺到佢係新鮮即炸既。用粥底去食就係有個新奇驚喜位，因為呢煲粥其實好滾好熱，將猶如響鈴呢d會吸水既配料放落粥底，會同樣地全舊都索曬d粥入舊響鈴度，所以會非常熱！又唔係唔好食喎不過大家就要小心d辣親啦！
下面既巨根蟹柳，非常新鮮好味，涮一涮就食得。鮮滑雞亦非常新鮮，每舊脂肪適中，唔會太油膩
40 views
0 likes
0 comments
呢塊係玫瑰花豬爽肉，係配料表既第一項，小編認為呢個真係必食，因為佢既非常高質，大家睇到佢既肉質好鮮美，脂肪分佈平均，涮完出黎唔會太un，重仍然有好重既豬肉味，鍾意食豬既朋友真係岩曬啦！
33 views
0 likes
0 comments
呢度係第二轉既配料黎，真係新鮮高質不在話下，重點高度強烈推介，食牛既朋友必點！滑牛肉！真係要比3個先掂！
32 views
0 likes
0 comments
出面食鮮滑牛粥真係食得多，今次真係可以自己控制火喉，重正！只可以講，涮一涮，就食得！口感係。。。入口即溶。。。因為佢既滑牛真係好新鮮，肉質好靚，一放入口，咬兩下就吞得，強勁既鮮牛肉味，成件事真係好滿足
33 views
0 likes
0 comments
上圖中，泡菜味道正常。同樣強烈推介既，真係有唔少得既豬潤，同埋台灣腸！真係好味到小編都詞窮大家去食既話，就叫黎試下啦！無點你架
最後，其實唔想食粥底邊爐既話，佢都有做午市套餐既，價錢都唔差架而粥底火鍋放題既供應時間就由早上11點到下午既5點，如果想一黎到就有得食，除左卜定位既呢個動作外，餐廳寫到明甚至可以叫佢地開定爐，落定order，一黎到坐底就有得食呢d禁既服務邊度搵呀大家不妨試試啦！
Post
