今次求其少少, 唔去荷里活廣場食, (反而果度冇乜選擇, 一係貴, 一係唔好食!)
走噃嚟采頤花園既「金銀島茶餐廳小廚」食個麵就算!
由於太耐冇嚟食過, 所以唔駛諗, 都係叫噃個牛腩湯檬加西生菜 ($24) )啦!
朋友都係叫呢個湯檬, 而另一位就要咗個豬頸肉湯檬加凍飲($31), 相裡面片豬頸肉係佢架~
不過我同朋友都覺得呢度既牛腩質素差咗, 好多肥膏呀~~~~~
仲搞到碗湯好油呢..... 問過亞姐係咪轉咗師傅, 佢哋又話唔係,
咁我諗係為咗入貨平啲, 所以啲料差咗囉... 但片豬頸肉都幾好食!!
朋友就叫咗碟菜芯, 後來佢先生嚟到, 叫咗個乾炒牛河 (唔記得映相),
可惜, 佢兩公婆食完都話勁冇味呀!
只不過幾個月冇嚟食嘢啫~ 「金銀島」搞乜呀?
佢已經加咗價喇喎~~ 啲食物質素仍然差咗??!:(
不過同朋友都應為, 會再畀多次機會佢 (話晒幫襯咗幾年啦!), 下次都係咁差先唔會再幫襯!
更詳細資料及圖片請看 : http://hk.myblog.yahoo.com/joycewai616/article?mid=6871
