帕莎 (Closed)

早兩日食左晚飯。先要贊環境，真係超有氣氛，陣中東味勁到一出電梯都聞到，加埋堆燈呀、杯咁，你話好正宗中東又唔係，因為果邊唔會用女人相做牆紙，但係好係香港人想像既中東特色，唔錯。係暗得滯囉，連餐牌都唔係好睇到，用黎偷情就一流。食既野又如何呢﹖坦白講，唔可以叫中東菜，因為好多中東野都無，連杯土耳其茶都好淡，同埋無放粒方糖係杯碟上，反而有海鮮之類，果邊係有食魚，不過來來去去都係燒，邊會有炒﹖味道正常啦，係超貴囉，成二百銀一碟蝦，得個五六隻。當係去睇肚皮舞都唔錯既，起碼香港唔係四圍有，不過就唔會成人幫襯囉。