品茗

天寒地涷諗住食d熱野, 醒起荃灣新開左間點心店, 兩條友即時聯想到熱辣辣蒸腸粉, 於是乎就轆到咁去! 我地叫左個二人餐 ($65), 茶錢$2一位, 另外加多一個點心已經好夠。枱面冇茶壺不過呀姐會幫你個杯唔停咁加茶。套餐可以揀兩個迷你煲仔飯 + 兩個點心, 點知勁普通既點心都可以食到where口where面......

鳳爪排骨飯 + 鱆魚肉餅飯

本身冇抱任何期望, 但係d飯拎出黎已經唔熱, 加上天氣涷, 唯有極速爬晒入口!

魚肚滑雞扎

不過不失, 又係唔熱。

黃沙豬潤腸

稍為好食既一個點心, 雖然一條腸粉得兩片仔豬潤, 不過腸粉算滑。

鮮蝦菜苗餃 $15

另加既點心~ 蝦好爽, 不過冇味, 菜苗只係d好似蔥花咁細粒既物體, 而且數量有限......唔知點解餃皮超級黏, 可以黏響隻筷子上面唔跌落黎, 勁!

全晚只有杯茶係熱既, 多謝呀姐唔停咁加熱茶, 簡直就好似雪中送炭咁感動!!!