迎囍 (Closed)

其實食了什麼真係唔係好記得, 只記得叫了 "驚喜 A", "驚喜 B", "驚喜 C" 同 "驚喜 D" 4 個套餐, 另外叫多 2 - 3 個小菜. 總括來講, 味道好普通, 唔係好特別...但其中一個套餐有條蒸魚. 上枱時我們發覺條魚唔係好熟, 中間痴骨, 而且顏色未變, 加上洗唔乾淨, 成舊內臟係魚肚, 好核突... 咁樣我地當然叫部長換啦...以下對話都叫抵死職員: 條魚係咁架, 唔係唔熟...食客: 你唔好當我傻架 ?? 擺明唔熟, 點食 ??職員: 唔係呀, 熟呀, 冇問題, 食啦, 有問題搵我 ...食客: 即係如果我食完, 食物中毒又好, 痾嘔肚痛都好, 你地全部負責 ? 死左你都賠, 係咪 ??職員: 得架啦, (放低張手寫卡片), 有問題, 返黎搵我啦.食客: 一係咁啦, 如果你揸唔到主意, 你叫經理過黎啦職員: 我係經理.食客: 咁你係經理, 好... 依家條魚係咪成千蚊既東星先, 幾十蚊魚仔唔熟, 你講咁多野做咩?職員: 咁你想我點做 ?食客: 等等, 唔係我想你點做, 係你覺得你應該點做, 除左叫我食左佢之外...最後佢係死死地蒸過僝新既魚出黎.