首先講下地方好大,做得哩D任食,當然D位梗係好逼啦,不過都無大吉咁逼,我覺得還可以接受!!!
選擇種類都唔少嘅,不過就無芝士年糕(金田同大喜屋都有!)~
刺身都算OK,又唔係話太新鮮,但每塊都切得好細塊~!!
天婦羅都炸得似模似樣,唔錯~蟹粥都幾入味~
成個放題我最想講嘅係,佢完全唔漏單,我地點左咩佢就上咩,數量一件都無少,好均真,...就連賣左單,D野都照上,不過有D會上得遲左D~哩樣係我覺得最好嘅地方,食得放題,咁o既價錢預左質素好壞參半,但我覺得最緊要老實,哩度真係好老實!!!
下次如果想平平地放肆咁任食下,我覺得吉壽都可以一試!!!!
佢新加芝士年糕就最好喇!!!!^ ^
