知道小曼谷係元朗有分店, 就黎左呢到食晚餐, 終於唔洗特登走去九龍城食。
鐵板猪頸肉炒芥蘭（馬拉盞），
鐵板上的芥蘭上黎時吱吱聲, 熱辣辣,甚有鑊氣。
芥蘭加上猪頸肉的油, 加埋馬拉盞一齊炒, 非常滋味，咸咸香香。
芥蘭剛熟爽脆, 馬拉盞增添了整碟菜的層次, 份量都幾多
招牌海南雞
半隻黎講價錢不貴，夠晒二至三人享用。
雞肉幼嫩滑口，而雞肉味也夠，
配埋泰式醬汁一齊食又幾好食。
鮮菠蘿海鮮炒飯
鮮菠蘿海鮮炒飯望落平凡, 但其實炒得出色爽口,
而且內裡配料豐富, 有很多海鮮如帶子、蝦及魷魚等, 又有肉鬆, 口感豐富。
炒飯以黃薑粉調色, 所以整碟飯也是黃色的, 菠蘿有提味的作用, 非常鮮香。
椰青, 食泰國野當然要飲椰青,
椰青味道清甜, 椰肉很嫩~~
總括而言, 小曼谷價錢合理，店員服務到位，而且食物素質高，可以再去
