天丼てんや

Open Now

Now Closed

温馨提示: 每月既18號係天丼日，食滿$70可以得到一張已經蓋左1個印既印花！ 呢間過江龍係日本有成200幾間門市，招牌天婦羅岀名平靚正。由佢係青衣城登陸開始，一直都好想試，但係每次Lunch time去到都被佢條長長既人龍嚇走。可能係因為今日好大霧似係就黎落大雨，天丼竟然前面只有3,4個人等緊入座，於是我同朋友即刻緊隨其後。平時起碼有10人以上排緊。Menu都幾吸引，定價尚算合理，最平$49(未加1)就有個天婦羅丼飯同麵豉湯。我地2個點左海老穴子天丼同華味鳥天丼。穴子超級長！天婦羅漿完美包住d食材，即使店員已經加左醬油但都好脆，好食。不過食材似係冇調味，相對試到食材原味。來自日本既南瓜好甜好好食！因為比隻半熟蛋吸引住，所以點左個華味鳥天丼，華味鳥其實係雞肉，食落口感有d似雞胸，雞味真係比較濃，加埋個蛋汁成個層次再提升左！不過，最有驚喜都係佢個飯！來自日本既米質感較腍但食得出米香！加埋個入口香甜既醬油，好有衝動食多碗飯總括而言，天丼係幾好食，食材食得岀係來自日本，天婦羅粉漿薄，丼飯值得一試！但係要排長龍去食就唔建議啦。