臺樓 (Closed)

我同朋友係將軍澳聽完培靈會，係厚福商場同東港場周圍睇下邊間好食?! 到處都好多人，排晒隊，見呢間唔算太多人就試下，反正我平時好少係將軍澳食野。呢間茶餐廳有快餐，D快餐係同我地食開D中餐係冇分別，我仲以為台式茶餐廳的快餐都係台菜，當然都有幾款台式午餐比我地揀，不過唔正宗之嘛，冇緊要啦~ 屋村茶餐廳同以價錢黎睇，真係唔可以要求D乜?!我揀左台式肉燥飯、魯肉配熱奶茶多奶，朋友都話我平時又話要減肥，仲食呢D肥豬肉，結果我咪食左1塊，其餘比晒朋友食，哈! 佢肥好過我肥~台式肉燥飯一D醬汁都冇落，好乾，肉燥算係瘦肉，份量唔多，始終肉燥係最適合配飯，當然都係一般貨色。至於魯肉真係好肥，只有10%係肉，其餘都係肥膏，味亦都唔夠濃，唔掂。熱奶茶多奶，OK! 尚可接受。