曼谷泰菜 (新都會廣場) (Closed)

今日突然好想食泰菜，又唔想出九龍城，見葵芳近近地有得食，去試試。點知食完之後有點失望，原全食唔到泰國風味，連我最愛既冬蔭功湯都唔好味，阿女都話感到湯落左好多味精。這個咖喱軟殼蟹，啲咖喱冇咖喱味，啲蟹炸到硬晒，可以用難食來形容。呢個泰式炒河粉，雖然有好多肉，但係啲粉炒得好多油，亦係好一般。串燒上碟時最似樣，但係個沙嗲汁亦係整得唔好味，不過成餐這一味已算最好了。豬頸肉沙律， 豬頸肉又雪味。蒜蓉包都OK炸得鬆脆，呢個係全餐飯第二好食嘅。總結今餐飯，真係好一半，下次食泰菜，都係去返九龍城穩陣啲。