Video
Read full review
2020-11-18
108 views
今晚同老公同佢D兄弟朋友食飯，男人老狗食飯，最重要任飲任食。今次老公叫我安排下去邊度食飯，見佢地次次出黎唔係食雞煲火鍋，就係韓燒。點知咁岩俾我SEARCH到旺角呢間【富盈雞煲火鍋】，$188加一，仲有得雞煲，火鍋，韓燒任食，性價比極高！。今次一於一次過滿足晒你地咁多個願望。估唔到間店環境唔錯，乾淨企理，座位寬敞坐得好舒適，最緊要冷氣充足！特別係每張枱都有都有兩個爐頭，雞煲火鍋同韓燒可以同時進行，超正！服務員先送上雞煲，辣度可以選擇，雞件嫩滑，而且雞煲調味幾好。服務員好貼心會提醒我地仲未食得，幫忙調較火候，好helpful。差唔多食到咁上下，就可以出去自助拎壺湯，加湯變火鍋。店內提供既食物都幾多款，除左普通的蔬菜，丸類，肉類，火煱配料等等，海鮮都有唔少，連象拔蚌都有。而一Ｄ比較少見，如鵝腸，雞子都有，呢班男人一見就瘋狂。同一時間，旁邊一直都在瘋狂烤肉烤海鮮。提一提，如果大家見到烤爐上面張隔油紙，唔駛拎開，就咁放食物係上面燒便可以啦。原來咁做，可以令食物燒得更好，減少痴底同燒燶情況，亦都比較健康。好特別，無試過咁食韓燒！燒肉食材比較出色，個人特推薦牛柳粒，真係好好食，又入味又軟，燒耐左都唔
$188加一，仲有得雞煲，火鍋，韓燒任食，性價比極高！。今次一於一次過滿足晒你地咁多個願望。
估唔到間店環境唔錯，乾淨企理，座位寬敞坐得好舒適，最緊要冷氣充足！特別係每張枱都有都有兩個爐頭，雞煲火鍋同韓燒可以同時進行，超正！
服務員先送上雞煲，辣度可以選擇，雞件嫩滑，而且雞煲調味幾好。服務員好貼心會提醒我地仲未食得，幫忙調較火候，好helpful。
差唔多食到咁上下，就可以出去自助拎壺湯，加湯變火鍋。店內提供既食物都幾多款，除左普通的蔬菜，丸類，肉類，火煱配料等等，海鮮都有唔少，連象拔蚌都有。而一Ｄ比較少見，如鵝腸，雞子都有，呢班男人一見就瘋狂。
同一時間，旁邊一直都在瘋狂烤肉烤海鮮。提一提，如果大家見到烤爐上面張隔油紙，唔駛拎開，就咁放食物係上面燒便可以啦。原來咁做，可以令食物燒得更好，減少痴底同燒燶情況，亦都比較健康。好特別，無試過咁食韓燒！
燒肉食材比較出色，個人特推薦牛柳粒，真係好好食，又入味又軟，燒耐左都唔覺老。
而且連前菜，小食，湯，可以任君選擇，絕對唔怕無野岩食。飲品都有好多款，汽水啤酒茶都係任飲。
雪糕有幾隻味，甜品有豆腐花同啫喱好味。
一班人黎食就最岩，大家喜好唔同，呢度咁多款食物，一定可以滿足各位。
Post
