成間餐廳佈置得好靚, 好似去左個森林入面咁. 店主搜集左好多好有特色既擺設, 睇得出係用心既.
另外要特別一讚既就係有一位男服務員, 由出LIFT果下已經有熱情既招待, 點餐既時候又有耐心咁解釋食物, 到食完都仲好有HEART 咁招呼你, 感覺非常良好
小食併盤 (細) : 腸, 芝士條, 薯條, 薯餅, 薯格, 炸雞
波菜煙三文魚飯 : 好creamy, 味道OK
明太子蟹肉意粉 : 厚厚既明太子+ 蟹肉放O係意粉上面, 仲有足料芝士. 真心好味, 難怪食評個個都讃好.
薩拉熱窩上的檸檬 : 呢個係男服務員介紹既, 原來係酸酸地既檸檬雪皅 + 甜甜既棉花糖, O係酸同甜之間有個平衡
陪你去看流星雨 : 靚到嘩嘩聲, 個男服務員話個擺盤係佢整既. 點解可以整到咁靚架 . 呢個朱古力慕絲靚之餘又好味. 加哂分
可以喝的提拉米蘇 : 名副其實, 飲緊提拉米蘇咁, 好得意
COME芒.占士 : 為左打咭叫既芒果奶, 男服務員好細心咁教你飲呢杯野既程序, 可以玩又可以飲, 但味道一般, 芒果味唔夠出
