Coffee Talks

記得平時行呢條街係無餐廳，早兩日經過Coffee Talks，見佢裝飾以木同水泥為主，感覺幾舒服就入咗去食。

最深刻係牛油果大蝦意粉，第一次食以牛油果做汁嘅菜式！好滑好好味！我仲想食多幾隻蝦添！

牛油果大蝦意粉

主菜仲試咗蜆肉意粉，南瓜蟹肉意大利飯，煙三文魚吞拿魚意大利飯。
三款都好食，各有特色！朋友就好鐘意食南瓜蟹肉意大利飯。

小食仲有好特別嘅炸牛油果！無諗過可以拎嚟炸... 又別具一番口味

飲品方面，試咗幾杯最難忘係水果茶！有新鮮水果又有好濃嘅茶味！如果再大杯D就好

下次有機會再嚟會試下pizza同其他食品