夢工房西日料理 (Closed)

任食放題 (假期7pm時段 $178 + 升級 $78)
而家放題大把選擇，但食黎食去都係刺身串燒好似無咩新意喎。
葵芳呢間放題加$78就有得任食生蠔松葉蟹腳，聽到就覺得即刻抵返哂。放題選擇同一般放題差唔多，都係刺身壽司串燒個啲。
三文魚刺身幾肥美，壽司方面有個火炙黑松露帶子壽司，黑松露超香。
重點生蠔黎啦，超大隻有半隻手掌咁大，食落滿口滑嫩既蠔，口感好滿足，蠔味就偏輕身都幾入口。
松葉蟹腳都幾多肉，肉質唔算爽口但都幾多汁鮮甜。
其他熟食燒羊架牛舌一般水準啦，香芋丸好香口芝味香濃。
最正係清酒梅酒啤酒任飲，岩哂酒鬼啦。
甜品都有幾款，朱古力慕絲，泡芙都有，不過質素普通。
整體水準一般啦，都算多選擇，重點係生蠔大大隻又任食好抵食。