Top Blade Steak Lab (新城市廣場一期) (Closed)

因為宣傳見到薯條任食先黎試下，但估唔到牛扒都好高質，成日覺得商場嘅餐廳都係伏，貴夾唔飽，但估唔到今次真係有驚喜。先講點左嘅平鐵牛扒，$160已經做到超水準，嫩又多汁，啲人成日話屋企整到，但Grill嗰隻味你估個個係屋企都整到咩。再講薯條，以為任食比普通嘢，但幼薯條黎講，唔敢講最好食，但肯定係香港前三，有淡淡嘅黑松露味道，另外我再問佢地攞蛋黃醬，又係超正。雖然任食，但係其實一個人食到兩碟已經好勁，總體黎講係好食，商場餐廳就一定係坐得舒服，咁嘅價錢有咁嘅質素，可以再去試下其他分店。