Video
Read full review
2011-07-27
24 views
周邊實在太多人談論「豚王」啦，個個都話佢既拉麵係全港最正中，唔試走寶；不過每日只限賣咁多碗就係咁多碗，排隊排到儍，而且未到晚飯時候就已經收舖。我地依Ｄ唔喺中環返工既打工仔，如果想食既話，就只有週末先有機會，可惜原來佢地星期日休息。好彩今年公司開始左五天工作天，星期六先有時間約埋媽咪同表弟去試下。我地幫襯嗰朝早落雨，諗住應該冇乜人排隊啦，所以十一點半先出門口。我地十一點九到，成個蘭桂坊都好靜，唯獨「豚王」門口有條十幾人既隊。行到埋去先知條龍尾原來去到後面公園嗰條樓梯頂，真係誇張。長達75分鐘既等候，落完雨又出返太陽，身體弱少少真係未必頂得順；今次真係辛苦左樣子青春美麗，不過年齡剛到花甲既媽媽。我地統計過，每隔15-20分鐘，哥哥仔就會攞Ｄ餐牌比大家研究同填寫，順便帶部份既客人過去舖前再排隊。喺得舖前排就好快有得食架啦，頭五個重有櫈仔坐添！勤力既哥哥仔又借遮又借扇比我地，然後好有系統地確認各位客人既單，喺單上加上客人既性別，枱號，同人數，睇得出佢係想盡量減低出錯率。不過最殺風景既係佢喺門口個大垃圾箱囉！排隊時聞倒陣酸叔味都已經唔係好開胃！（真係一分衛生分都加唔落手！）排隊時都幾無聊，所以乜
我地幫襯嗰朝早落雨，諗住應該冇乜人排隊啦，所以十一點半先出門口。我地十一點九到，成個蘭桂坊都好靜，唯獨「豚王」門口有條十幾人既隊。行到埋去先知條龍尾原來去到後面公園嗰條樓梯頂，真係誇張。
長達75分鐘既等候，落完雨又出返太陽，身體弱少少真係未必頂得順；今次真係辛苦左樣子青春美麗，不過年齡剛到花甲既媽媽。我地統計過，每隔15-20分鐘，哥哥仔就會攞Ｄ餐牌比大家研究同填寫，順便帶部份既客人過去舖前再排隊。喺得舖前排就好快有得食架啦，頭五個重有櫈仔坐添！
勤力既哥哥仔又借遮又借扇比我地，然後好有系統地確認各位客人既單，喺單上加上客人既性別，枱號，同人數，睇得出佢係想盡量減低出錯率。不過最殺風景既係佢喺門口個大垃圾箱囉！排隊時聞倒陣酸叔味都已經唔係好開胃！（真係一分衛生分都加唔落手！）
排隊時都幾無聊，所以乜都數餐飽：座位共有十七個；廚房內既廚師見倒既就有兩位；舖面工作既姐姐仔兩位；舖面工作既哥哥仔都有兩位，當日負責埋帶客排隊同落單。
感覺上男生比女生友善，而且工作態度亦較細心同上心。我同隔離既食客點既都係豚王，不過配料唔同；姐姐仔見麵就擺上枱，將我地兩張單溝亂左，重扮到唔關佢事咁，要哥仔過黎搞返掂！（服務分：男生滿分，女生食蛋，所以平均三分。）
餐具，調味料，涷水，熱水全部都係自助式。座位狹窄，小肥既XO真係坐得幾辛苦。全店欠缺冷氣，雖然有把大風扇，不過唔係每位食客都受惠；炎熱程度係食到連平時唔怕熱同唔出汗既媽咪同表弟都大汗dup細汗。（食得咁唔舒服，環境分只可能比最低。）我地坐落唔洗3分鐘就有野食，15分鐘內絕對可以埋單走人，不過就算叫我坐耐Ｄ我都唔制呀！
豚王：豬骨湯底好夠火候，足料得黎可以做到濃而不濁，而且一Ｄ都唔味精，爸爸話齋：「堅過石堅」，所以我地三個人都飲哂Ｄ湯！麵上薄片既豬肉好腍好軟熟，完全唔嚡。拉麵就冇咁精彩啦，因為我點既硬麵過熟，滲到腍哂，而且重粉粉地添。份量可以話係適合女仔多Ｄ呀，我同表弟都可以食得落第二碗。我地冇叫第二碗係因為食得太狼狽，而且唔想再等，亦唔想出面既人再排耐Ｄ。
喺大排檔式經營既舖頭食碗90蚊既拉麵，重要排成個幾鐘頭隊，坐得辛苦，食得又唔舒服，簡直係唔低過唔低呀！講真我唔會再黎或推介囉！後記
雖然當日未必人人留意倒，不過排隊期間發生左兩件事：
1) 公園頂有兩隻大狗輪流開完大，就有位美少女黎同佢地玩，重帶上頸扣，不過完全冇意識去清理現場！似乎區內既衛生非常差。
2) 大概十二點幾，有三位日本人曾經探過頭黎睇倒條龍尾「嘩」左聲，跟住哥哥仔同佢地用日文溝通左幾句，就帶佢地去舖面前條短隊度排。開頭以為佢地有個friend喺度霸位，所以先可以遲過我地到，但係早過我地食啦；點知佢地埋單時都只係三個人，而且重再三鞠躬多謝廚房內既日本廚，咁大家心照啦！
Post
