波記車仔撈麵 (Closed)

前兩日同朋友食午飯，朋友得一個鐘食飯時間，經過灣仔見到條小路入面有間車仔麵店，就試吓啦！間舖頭都幾多人，一入門口左面可以見到啲餸! 諗左一陣麵底決定要河粉, 之後就揀左成五個餸, 分別係豬皮, 豬腸, 冬菇, 豬手同咖喱魚蛋! 點餸嘅時候好肚餓，其實咩都想食，個呀姐話酸齋都有，所以試埋!點完之後我地坐低左，唔使幾耐個車仔麵已經到! 先試酸齋，唔算太酸，幾好，無好假嘅味道，然後食左個冬菇，真係好好好好好好味，個冬菇好厚，好似炆左好耐好入味! 至於豬皮就ok啦，唔算太特別，豬腸同豬手亦係炆得好腍同好入味, 加上唔肥, 最後係咖喱魚蛋, 魚蛋唔同街邊啲，無令我覺得食緊粉，都幾好! 河粉冇咩特別, 不過絕對合格! 最後係個湯底，湯底幾甜，幾好，因為食完無口渴同中味精毒!總括黎講食物水準不錯, 環境乾淨, 服務態度亦可! 不過係有啲太小位同迫，佢有外賣，下次會試吓叫外賣!