SUKIYA すき家 (時尚坊(第2期))

Open Now

Now Closed

話說琴日去咗黃埔買玩具，買到差唔多8:30，完全唔記得咗未食晚飯，跟住突然之間先醒起，今次大鑊啦！遺忘咗禁今晚市堂食🤬，點算好？！如果捱到返屋企起碼要10點先有得食，冇計啦一定要買外賣，跟住諗吓要係邊度食見到SUKIYA すき家，心諗都好喎～我喺香港未食過，經常排長龍所以…好快就揀咗溫泉蛋燒肉丼。我記得喺日本食嘅時候又唔係覺得佢咁好食，但係唔知點解喺香港有咁多人爭住食，今晚食過之後…我更加諗唔明🤔我返碗溫泉蛋燒肉丼先，洋蔥唔夠淋、牛肉有啲韌，我叫個碗係燒肉，我諗啲牛肉應該會好惹味，結果冇乜味？會唔會係佢俾錯我呢？我覺得同吉野X嗰啲牛肉飯差唔多味？開啟播放基本上係致命傷，好淋、太淋，有啲爛飯feel、溫泉蛋就正常囉⋯⋯好彩唔使排隊，如果唔係我會更加失望！講返其實我去咗邊度食有好多（姐姐）陪我食，因為我坐咗係公園食🤣