越男仔 (Closed)

星期三夜晚七點未到已經滿座，一路去到7:30都只係見到一個樓面（兼收銀），完全覺得個老闆想做死個員工。生牛河牛骨湯有啲濁，唔係特別好食，佢俾嘅青檸切得太細粒 好容易會令到個湯好澀。鴛鴦雞飯個海南雞冇醬點 好dry。最差嘅係個海膽手撕雞檬紙卷，就咁食個海膽冇乜嘢，但係啲海膽落咗去個卷度唔知係咪加埋個酸汁成件事就勁腥。仲有其實拎開咗個海膽望入去個卷入邊係一條手撕雞都冇，係每一個切件都無。其實佢個Menu應該就咁寫海膽檬紙卷，唔應該將完全冇嘅手撕雞加埋落去個Menu度。