SUKIYA すき家 (亞皆老街)

Open Now

Now Closed

行過好多次，無論幾多點門口都有十幾二十人排隊，咁啱中午時候又經過，門口得5個人排咁咪走埋去排囉，今次排咗15-20分鐘就入到去。其實呢間牛丼店喺日本只係一間普通快餐店，去日本咁多平靚正嘅餐廳，輪都未輪到食佢，所以一次都未食過，見嚟到香港d人咁瘋狂排隊，都諗住應該唔錯。坐低點咗個香蔥溫泉蛋燒肉飯M Size，盛惠$48，份量一般大，男仔應該要叫大先飽。溫泉蛋都ok, d牛其實真係好一般，但個燒肉豉油真係咸咗d，個飯完全十分普通。其實如果當係一間超級普通嘅快餐食，又趕時間嘅，都可以去一次，但係如果要排隊，仲要如果前面有十幾廿人排緊隊，就會超級呻笨囉。我就一定無下次。