呢間野開左唔夠三個月. 試過兩三次.... 即是比左一兩次機會....真係唔得...
首先講明, 本人係重量唔重質果d人. 但又唔係勁大食果ｄ人
價錢係少少貴價茶餐廳(早餐除外). (同區的幸福茶餐廳價錢). 呢個市度開業, 小菜仲要最平$42一個, 仲未包野飲, 要飲加6蚊
下午茶:
選擇頗多有公仔麵,
炒粉麵飯, 味道平平無奇, 只係份量好細, $25,
仲有個歐陸下午茶$25, 一扒另加腸仔旦果d任何兩樣. 最奇怪係餐紙寫:
餐肉 、烟肉 、火腿 、煎旦 、腸仔 、紅腸；什果炒律
佢其他餐會用 ”或” 字， 唔係 ”分號”， 另人有誤解， 以為 什果炒律 係已包括在餐內
食物質素：都係無什麼特別
而歐陸下午茶, 扒類只係煎炸,沒有任何sauce, 所以基本上係屋企自己都整得到．去食的目的只係飲佢柸奶茶....
如果$25食以上的下午茶， 同區有好多都好過佢抵過佢，包括 椰林
早餐: 選擇算多， 價錢真係ok. $18-$21 (呢區的西式腸旦扒早餐, 通常$23). 比其他平10%
今日食牛扒......個早餐唔洗三分鐘到...有d懷疑....呢個速度通常係大家樂美心果d速度....即是整定但人流多去貨快....最後答案係牛扒變左....咁我刻意食完其他野先講話個牛扒變左. 點知佢叫我早d講....唔通佢以為我想成份早餐換過新?
最後換左個魚柳, 並非炸魚柳,而是一般沒炸粉的煎魚柳. 有一特別係其中一個選擇係 粟米炒旦
人地個價錢做貴１０％真係有佢地原因，呢區野食實在太多，佢個特別地方除左 夜茶同２４小時，其他真係唔掂
