去到見到佢的沙律吧都好多選擇，有成十多款的汁比人選，而且佢的沙律配料都好多，都算唔錯。
行到去熱葷的枱，點心只得豬肉燒賣及叉燒飽，點知只得５－６種的熱葷，而餸菜一都不吸引，好似有黃咖哩加薄餅、燒骨、日式醬燒雞、泰式海鮮粉絲（個味道好親切，好似福麵Ｄ味＾＾）、炒伊麵同炒飯，好似有一個生滾粥檔同意大利粉檔仔。
值得一讚既係佢既安格斯燒牛肉，正！正！正！正！
:):
至於凍海鮮檔既令我又愛又恨，愛既係佢既鮮味的長腳蟹、小青口及涷花甲，恨既係佢Ｄ待應唔捨得出長腳蟹給客人，佢Ｄ長腳蟹出完一輪要等好耐下先FILL貨，但係FILL只係FILL20多隻腳，我眼見比3個人客都已經攞哂(當然我係個3個的其中一位)。FILL野既待應唔知係咪已經察覺到我呢個蟹怪係度，我眼尾見到佢"BEER"住我然後等我返到埋位先再FILL個10只長腳蟹腳出來，我心諗就係鐘意食先食多幾隻啫，不過見間鋪頭咁小氣，我都無心機再攞！
論到講佢Ｄ剌身啦！佢有三文魚、魚同墨魚片，講真，今次印像都算幾深刻，佢個魚生師傅唔知係咪切慣生滾粥Ｄ魚片呢，切到細片到好似比個五蚊餅大同厚唔到幾多(每次只比三片)，不過講新鮮程度又好好同好鮮味既，不過都係個句，見間鋪頭咁小氣，我都無心機再攞！
甜品，ＯＫ喎有成１０種ＣＡＫＥ，４種雪糕、小型朱古力噴泉同格仔餅比你選，都ok la！
抵唔抵食真係見仁見智，不過我都覺得味道係ok好食既，不過有得擇的情況底下唔會再去！
:(
