Tack Hsin Restaurant (Closed)

非常攪笑, 一定要講先.... 當晚, 可能是剛過新年長假, 星期六晚的入座率, 都只是得五成, 本來打算食任食火鍋, 而店門口的宣傳大牌, 都是重點宣傳任食火鍋, 但入內坐低, 那位女部長過來, 放低火鍋餐紙時, 不斷提示我們, 任食火鍋並非"物有所值", 留意, 係"並非", 她不斷提示我們, 任食火鍋的價錢, 其實不是最終價, 而還有很多雜項收費, 咁.... 你地又咁大張宣傳牌放係出面..?!??!  

我們是香港人, 梗係知本港既舊式食肆最興就係呢種做生意方式啦, 當我們低能既咩!?!?! 不過...既然妳咁唔想我地叫"任食火鍋", 我地都唔好免強, 就叫妳提議既套餐吧...哈哈...

套餐價$438, 應該是2至3人的餐, 包括了不少食材, 魚生刺身(三文魚和章紅魚, 味道和新鮮度中等以上), 手切本地肥牛(不會比高級火鍋店差, 唯牛味略輕), 手打雙丸(魚丸偏淋, 肉丸滿意), 韭菜餃(合格), 扇貝(未淥之前的體積是滿意的...哈哈) , 豚肉片(現今, 豬肉有豬肉味, 是驚喜了...), 鮮魚片(新鮮), 象拔蚌(切出來位置, 與預期有落差...哈哈), 紅花蟹(估唔到包埋, 質素也算滿意, 無霉, 肉質滿意)

 還有鮮蝦三隻, 食到一半才來, 上檯時還很生猛, 不忍看其受苦, 快快放落湯中讓牠們安息....善哉...善哉...