Video
Read full review
2023-10-28
128 views
本身自己唔太多寫食評但真係覺得覺己中伏決定俾少少時間都要寫出黎我哋兩個人去食一開始會俾一細碟麻辣皮蛋（隻麻辣醬唔好食)同一細碟沙律(我哋冇食到)仲有一碟兩塊既煎墨魚餅(呢個味道ok,正常）之後上雞煲(任食的)，啲雞應該係半生熟佢會有個Timer，計時5分鐘職員叫你自己不斷炒但過咗時間，個鑊底都開始想燶同黐底，食啲雞都仲係未熟問其中一位職員可唔可以加啲湯/水？佢話呢度唔加水直接幫我哋冚埋個蓋，叫我地再等3分鐘，燶係正常結果有啲豆卜同雞都燶，開蓋仲攻鼻到隔籬枱狂咳（嗰度抽風唔太好，食完成身味，雖然大部分打邊爐餐廳都有相同問題）不過見住煲入面乾哂但雞未熟，但又唔加水，成件事好唔合邏輯但個職員堅稱冇問題後尾職員問要唔要再refill，我哋好保險問佢係咪會換過隻鑊俾我哋，佢話係我哋先敢要等嘅途中見到其他枱係有另外一個職員幫佢哋炒，仲係有途中加少少水再冚蓋焗，所以到而家呢刻我都覺得件事好匪夷所思Anyway,我哋嗰個職員返到嚟，今次佢幫我哋炒咗陣都有落水去焗，咁究竟點解佢之前唔肯呢？雞煲味道中規中矩，唔算係好食，但係都唔算係難食，不過當我食咗之後啲嘢，對比下原來雞煲算係好食食完雞煲佢會上海鮮，你可
但真係覺得覺己中伏
決定俾少少時間都要寫出黎
我哋兩個人去食
一開始會俾一細碟麻辣皮蛋（隻麻辣醬唔好食)同一細碟沙律(我哋冇食到)
仲有一碟兩塊既煎墨魚餅(呢個味道ok,正常）
之後上雞煲(任食的)，啲雞應該係半生熟
佢會有個Timer，計時5分鐘
職員叫你自己不斷炒
但過咗時間，個鑊底都開始想燶同黐底，食啲雞都仲係未熟
問其中一位職員可唔可以加啲湯/水？
佢話呢度唔加水直接幫我哋冚埋個蓋，叫我地再等3分鐘，燶係正常
結果有啲豆卜同雞都燶，開蓋仲攻鼻到隔籬枱狂咳（嗰度抽風唔太好，食完成身味，雖然大部分打邊爐餐廳都有相同問題）
不過見住煲入面乾哂但雞未熟，但又唔加水，成件事好唔合邏輯
但個職員堅稱冇問題
後尾職員問要唔要再refill，我哋好保險問佢係咪會換過隻鑊俾我哋，佢話係我哋先敢要
等嘅途中見到其他枱係有另外一個職員幫佢哋炒，仲係有途中加少少水再冚蓋焗，所以到而家呢刻我都覺得件事好匪夷所思
Anyway,我哋嗰個職員返到嚟，今次佢幫我哋炒咗陣都有落水去焗，咁究竟點解佢之前唔肯呢？
雞煲味道中規中矩，唔算係好食，但係都唔算係難食，不過當我食咗之後啲嘢，對比下原來雞煲算係好食
食完雞煲佢會上海鮮，你可以揀蒸或者打邊爐
我哋揀咗蒸
拎上嚟嘅時候旁邊有張摺埋咗嘅單，應該係職員唔小心掉咗入去，不過我哋都算啦，起碼唔係啲食物堆嘅中間，佢喺旁邊我就咁夾走佢就算
我唔係好識食，只可以話我覺得佢啲海鮮新鮮度普通，但係冇乜味，鮑魚有啲腥，其他就正正常常普普通通
嚟到戲肉打邊爐，有三個免費湯底揀，鴛鴦鍋要加錢仲有另外三個湯底每人要加$25 ，我哋就唔加錢，直接叫個是日靚湯，好似係蟲草花雞腳煲豬骨，佢會比好大盆湯俾你打邊爐，湯底冇乜問題，但可以打邊爐既種類太少
一開始佢會自動送一盤牛
有牛味，但係偏瘦
我哋冇影到之後用QR code叫嘅牛，
之後QR Code落既嗰款牛多番少少脂肪，但係牛味就相對少啲
重點係QR code入邊得一款牛一款豬同一款羊係免費冇其他嘢揀，海鮮嗰啲要另外加錢
自助區有大概6/7款丸，基本上樣樣都試吓，質素麻麻，仲有最簡單嘅魚皮，唔香之餘仲要食到有少少油味，其他啲腐皮啊生根啊嗰啲全部都係差唔多
自助區嘅選擇係少得可憐，仲要唔refill ，飲品又係唔refill，連裝醬料嘅兜都唔refill， 人手真係唔太夠同應付
成件事令我感覺好差
在我角度，價位唔係特別低
我唔知係咪我自己誤會咗，但我見其他人OpenRice 上食評話冇限時，我地入咗時佢都冇話要限時
但食到後尾職員走過來同我哋講話last order,跟住話埋單
總之每人食咗大概$400多少少
老實講，平時出去打邊爐都係差唔多價錢，但咁嘅質素咁嘅環境咁嘅服務
我真係覺得唔值，唔會再去
Post
