Video
Read full review
2015-05-06
3688 views
韓式餐廳, 就如廿多年前的日式餐廳, 初初到港, 定價特別高. 但過了不久, 港式的日本餐廳不斷出現, 到了後期, “港式日菜”更多過真正的日式了. 暫時而言, 如不計那些十多年前已經出現的港式任食韓燒的話, 似乎, 港式韓國餐廳還未真正出現, 估計韓國人在香港的生意和營利仍然十分可觀. 中國人唔恨得咁多架喇, 不論係當年的日本, 又或今天的韓國, 人地”韓潮”係夾著”經濟起飛”和”國家文化”兩樣一齊輸出國外的, 但中國就只有”經濟起飛”一樣, “文化”….??? 有既… 成日話五千年文化吖麻…哈哈.. 但到二十世紀已被徹底破壞得體無完膚啦…. 點呀!? 聽完我講..…條氣唔順呀!?!?! 試吓搵位外國人問吓佢對”韓國人”和”中國人”的睇法囉….哈哈哈哈…在港的韓國餐廳食晚飯, 平均都要二百蚊一位, 午市的價格, 只是晚市的四分一, 水準差不多, 好抵食.友人的豆腐湯配飯, $58, 上檯時, 熱力足, 不斷起泡, 豆腐比一般的韓式餐廳為多, 顯得湯水反而不夠. 味道些少辣, 也有很香的蝦味, 有些類似碎的蝦膏浮面, 還有一些蜆, 把豆腐攪碎一點, 連湯一起入口, 好味, 好滿意.牛肉
韓式餐廳, 就如廿多年前的日式餐廳, 初初到港, 定價特別高. 但過了不久, 港式的日本餐廳不斷出現, 到了後期, “港式日菜”更多過真正的日式了. 暫時而言, 如不計那些十多年前已經出現的港式任食韓燒的話, 似乎, 港式韓國餐廳還未真正出現, 估計韓國人在香港的生意和營利仍然十分可觀.
中國人唔恨得咁多架喇, 不論係當年的日本, 又或今天的韓國, 人地”韓潮”係夾著”經濟起飛”和”國家文化”兩樣一齊輸出國外的, 但中國就只有”經濟起飛”一樣, “文化”….??? 有既… 成日話五千年文化吖麻…哈哈.. 但到二十世紀已被徹底破壞得體無完膚啦…. 點呀!? 聽完我講..…條氣唔順呀!?!?! 試吓搵位外國人問吓佢對”韓國人”和”中國人”的睇法囉….哈哈哈哈…
在港的韓國餐廳食晚飯, 平均都要二百蚊一位, 午市的價格, 只是晚市的四分一, 水準差不多, 好抵食.
友人的豆腐湯配飯, $58, 上檯時, 熱力足, 不斷起泡, 豆腐比一般的韓式餐廳為多, 顯得湯水反而不夠. 味道些少辣, 也有很香的蝦味, 有些類似碎的蝦膏浮面, 還有一些蜆, 把豆腐攪碎一點, 連湯一起入口, 好味, 好滿意.
牛肉石鍋飯, $55, 細碗, 反正唔食咁飽, 算可以. 牛肉比想像中少, 應該係十分少. 其他配菜正常, 有韓式的乾蕨菜, 但入口十分韌, 比教老. 石鍋燒得夠熱乃正常, 唔使讚吧, 天氣轉暖, 冷氣不足, 食到我大汗滴細汗.
配菜有三款, 只五十多元的午餐, 算豪爽了. 薯仔略甜, 合我口味, 泡菜未夠好, 可能醃得未足時間.
LOTTE Milkis, 樂天的忌廉鮮奶, 一座低, 就放兩罐在檯, 是跟餐的, 又嚟最黑人憎既營養學時間: 這罐250ml的Milkis, 每100ml, 就有12g糖. 全罐, 即有30g糖, 等於食咗8匙更沙糖落肚…sosad....
午餐有限時, 食物上檯後, 只限食30分鐘, 雖然對這種要賺盡的做生意方式, 唔多好印象, 但收費的確便宜, 就睇諒一吓吧…
Post
