雖然係平日，不過眼見有三五知己，亦有老有嫰既，佢地不約而同有種老主顧既感覺，同店員好熟咁！
金牌燒鵝皇(1/4隻)
呢度每日都唔同既優惠，今日係燒鵝$148特價至$98
真係好彩，叫例牌都俾左鵝脾。燒鵝油香十足，鵝肉嫩滑多汁。酸梅醬味道唔會太搶，甜酸比例岩岩好，亦中和返油膩感！
乳豬皇(例)
叫得乳豬專門店，唔係唔試下嘛？
其實$150得六片乳豬都幾貴，不過都合理既！
乳豬處理得好有心，每片都切左皮同肉之間既脂肪，乳豬皮夠脆，好香口！乳豬都配左片包，加埋乳豬醬，亦減低油膩感。
海皇什菜煲
呢個真心抵，唔洗$100，有大大隻蝦真係好吸引！海鮮有鮮味，菜腍得黎又唔會煮到老。所以就算唔係好特色，最後連湯都清哂！
蒜蓉蒸開邊蝦
呢個係店員推介既，餐牌無既choice。隻蝦幾大隻，鮮味彈牙，唔錯唔錯！
南瓜西米露
最後臨埋單店員仲主動請食糖水，唔太甜，Good!
