勁多人話抵食既牛站
真係有樣名物必試！就係乳鴿！
真係做到酒樓嘅出品，皮脆肉嫩！仲要真係熱辣辣！😍😍
湯底，叫咗麻辣鍋同埋椰子雞湯
麻辣鍋，果然掛上自己個名，真係唔同！
特別香特別辣！🥸
而椰子雞湯好清甜，就算用嚟淥肉或者淥菜，都有淡淡嘅甜味超好食 🤤🤤
叫嘅嘢食，雖然唔係好多好多款！但係貴精不貴多！
超級推介佢嘅海鮮，包括沙白，仲有大頭蝦！
估唔到大頭蝦都可以任食 （勁揼本！）🤩🤩
而出面嘅自助吧，都好多選擇
必是嘅包括椒麻魚皮！新鮮炸響鈴，同埋香煎午餐肉！
而飲品亦都十分之驚喜！除咗有基本罐裝嘅飲品，仲有日本啤酒，珍珠奶茶等
但係佢依度竟然有 梅酒、清酒、生啤！ 😍😍
甜品仲癲，除咗有好多款甜品之外，有軟雪糕機，仲有任食嘅Häagen-Dazs，連最新嘅期間限定味道都有！ 🥳🥳🥳
1
1
真係唔怪得咁多人都大推！overall 真心值得食！大家最好約咗先，出面都要等下枱架！
