Video
Read full review
2021-09-05
292 views
星期六約咗一班狗朋友去stay Cafe聚會。我哋一早book咗枱，所以到咗嘅時候安排座位，嗌嘢食等等亦冇問題。當日嗌咗Parma ham and Burrata toast 同 ice latte，不過不失，食物質素相比之下咖啡比較好飲。但係當日嬲得滯相都冇乜影。而現場環境真係幾好打卡嘅。。。環境闊落，同埋室內室外好多唔同位可以影相。因為我哋要分開坐，亦有周圍行嚟行去幫狗仔影相，有位紫色頭髮嘅職員就將所有食物都擺喺一張枱度，冇問題我自己拎去個位度食。係拎嘅時候我發現少咗一套餐具，就行去吧枱問該位男職員攞。以下為100%真實對話還原：👩🏻：唔該我想要多一套餐具👩🏻🎤：張枱度咪有餐具囉👩🏻：嗰套餐具係朋友個餐嘅，我想攞多一套因為我個餐擺咗喺另一張枱。👩🏻🎤：你要餐具咪自己攞囉，我鬼知你個餐擺喺邊呀？當下我真係即場黑人問號👩🏿點解攞套餐具都要俾人鬧。因為佢嘅自助區係有水可以自己倒，並冇餐具可以自己攞，禮貌上都係想問一下。其實由頭到尾我都冇要求你擺套餐具喺我張枱，我只係想自己攞多一套餐具，點解都可以咁冇禮貌。之後我向另一位職員反映，佢竟然走過來啤住我，睇吓我講乜嘢。雖然另外一位職員話會同
我哋一早book咗枱，所以到咗嘅時候安排座位，嗌嘢食等等亦冇問題。當日嗌咗Parma ham and Burrata toast 同 ice latte，不過不失，食物質素相比之下咖啡比較好飲。但係當日嬲得滯相都冇乜影。而現場環境真係幾好打卡嘅。。。環境闊落，同埋室內室外好多唔同位可以影相。
因為我哋要分開坐，亦有周圍行嚟行去幫狗仔影相，有位紫色頭髮嘅職員就將所有食物都擺喺一張枱度，冇問題我自己拎去個位度食。
係拎嘅時候我發現少咗一套餐具，就行去吧枱問該位男職員攞。
以下為100%真實對話還原：
👩🏻：唔該我想要多一套餐具
👩🏻🎤：張枱度咪有餐具囉
👩🏻：嗰套餐具係朋友個餐嘅，我想攞多一套因為我個餐擺咗喺另一張枱。
👩🏻🎤：你要餐具咪自己攞囉，我鬼知你個餐擺喺邊呀？
當下我真係即場黑人問號👩🏿點解攞套餐具都要俾人鬧。因為佢嘅自助區係有水可以自己倒，並冇餐具可以自己攞，禮貌上都係想問一下。其實由頭到尾我都冇要求你擺套餐具喺我張枱，我只係想自己攞多一套餐具，點解都可以咁冇禮貌。之後我向另一位職員反映，佢竟然走過來啤住我，睇吓我講乜嘢。雖然另外一位職員話會同佢反映，但係之亦無manager走過來同我follow up事件。
餐飯係幾唔開心㗎喇，仲要同區有咁多dog friendly餐廳，亦都唔會特別再過嚟呢一間受氣🥲 雖然其他職員都友善，但係唔會想再俾該紫色頭髮男職員破壞心情😮💨
Post