陪著你走甜品 (Closed)

從來未寫過食評，我肯打字你一定要信我。係附近食完雲吞麵行過，見佢有青蛙，就即管入去試吓，選擇好多下嘅，除咗甜品之外，仲有啲小食。入正題，見佢有綿綿冰，好耐冇食，$88就$88啦。個名叫黑糖牛奶Oreo碎夾心綿綿冰。老婆叫個腐竹糖水黎到成碗例水咁我都知伏㗎嘞。D嘢原來全部都係用紙碗膠羹！收$88都用用完即棄，賣相差又唔環保！！味道完全對唔住價錢，2支百力支，加硬過我條命既棉花糖，一啲可可脆，一球雪糕，一啲Oreo碎，加牛奶綿冰。可能呀叔出嚟食得甜品少啦，咁既價錢，比啲咁嘅嘢人食，如果你間舖吾係有啲裝飾，你應該汁左十世。