睇個賣相已經好得意，用個傳統小瓷壺裝住，一打開就聞到陣陣醬油同香料嘅香氣。啲肉醃到深啡色，非常入味。放上爐一燒，醬汁滴落火中升起嘅燻香，已經令人胃口大開！食落口，醬油嘅甜香同牛肉嘅鮮味完美融合，因為係肋肉部位，帶少少筋，所以口感煙煙韌韌，越嚼越出味，個種惹味程度真係停唔到口！比起純食和牛嘅原汁原味，呢個味道更加濃烈突出，係味蕾嘅一大衝擊！
另外，佢個澳洲M6和牛三角腩都唔可以睇小，脂肪分布均勻，燒完外面香口脆身，裡面肉汁豐富，肉味依然好濃厚，質素絕對拍得住A4！為咗呢壺驚為天人嘅牛肋肉同高性價比嘅M6三角腩，我已經決定要即刻約腳encore！呢個隱藏BOSS絕對係必點項目！
