Daokeaw thai restaurant.

之前經過同睇到食評因為佢嘅燒牛肉而排隊嘅，上次嘗試過排不過唔成功，不過今次6點幾就到店外排隊，雖然係短短嘅隊等咗30分鐘總算入到去食啦。
我哋叫咗一馬拉盞炒通菜少辣，唔知係咪我唔係好食得辣，都覺得好很辣

馬拉盞炒通菜

$78

生蝦，我本身唔食生嘅蝦所以比唔到評分，但我身邊個位感得個炸蝦頭好食過啲生蝦

秦式生蝦

$108

泰式咖喱炒青口，青口食得出係雪藏青口，好大陣雪味，完全唔入味。咖喱還咖喱青口還青口，咖喱又唔辣上面有一大層油，完全唔好食！

泰式咖喱炒青口

$158

最期待嘅燒牛肉最尾出場，所謂期望越大失望越大，有比較就有傷害。燒牛肉熟過龍，牛肉多筋無咩肉汁而且都幾韌吓。
大家可以參考吓我另一個食評，個份燒牛肉就真係叫好食啦！

燒牛肉

$88

呢間餐廳嘅唯一好處係比較大同光猛，食物質素就。。。
最後我身邊個位講咗句，排唔到隊食唔會有損失