老闆娘雲南米線

Open Now

Now Closed

忠言逆耳，但為免增加更多既受害者，本人都要寫返個食評，以免有其他朋友無端端浪費自己個幾兩個鐘去排呢間米線⋯⋯因為有關注組同YouTuber既加持，令本人相信左呢間老闆娘會真係好特別，會比其他米線鋪好食，世一，但結果根本完全唔係。排隊等入去時，店員態度已相當不友善，完全係自己唔怕冇生意咁。排隊既環境相當惡劣，冇冷氣冇風扇都唔緊要，店員竟然叫食客企下垃圾桶隔黎，哩點實在無法接受。食物質素方面，呢度兩餸米線就$60，唔包野飲，而出面一般非連鎖既米線鋪就一般$4X已經係兩餸包野飲，相對黎講係貴左差唔多20%。呢度既米線個湯相對係熱，酸辣黎講比出面更加酸。米線同一般米線鋪冇分別。餸既話，量會比一般米線鋪多，另外會有相對多既炸物選擇。但總括黎講都只係一般米線鋪既水準，食過一次就唔會想再黎。至於用餐環境可以用惡劣黎形容，冷氣唔夠，座位非常密集，冇隔板又需要搭枱，防疫意識完全係零，隨時食完就有機會確診既感覺。總括而言，就係一間需要排一個鐘有多，特別貴，用餐環境特別惡劣既一般米線鋪。如果只係因為好奇心而幫襯，一定會後悔。